Ambasada gjermane bën të ditur se ditën e martë më 27 tetor do të kthehen rreth 162 persona nga Gjermania, ndërkohë që një ditë më pas do të kthehen rreth 203 azilkërkues të tjerë.
Vetëm pak ditë më parë u bë e ditur se, qeveria gjermane ka vendosur të dëbojë brenda një kohe të shkurtër azilkërkuesit e refuzuar, e për këtë qëllim mund të përdorte edhe avionët e mëdhenj të transportit të Bundeswehrit.
Deri më sot, kthimi i azilkërkuesve është realizuar me avionë linje apo “charter”, ndërsa disa lande e kanë si rregull të mos kryejnë riatdhesime gjatë stinës së ftohtë. Megjithatë duket se, nga ky vit, një politikë e tillë nuk do të ndiqet më.
