Kushdo që dëshiron t’i bashkohet Forumit Rinor të Partisë Demokratike ka një muaj kohë. Ndërsa anëtarët që duan të garojnë për kreun e FRPD-së kanë dy javë kohë në dispozicion për paraqitjen e kandidaturave.
Më pas kandidatët do të zhvillojnë debate për platformat e tyre në çdo degë të PD-së, ku do t’i përgjigjen pyetjeve të njëri-tjetrit dhe të të rinjve që do të ndjekin debatet. Këto debate do të zhvillohen me raunde në 12 qarqe.
Në përfundim, anëtarët e çdo qarku do të votojnë me votë të fshehtë për kryetarin e ri. Kandidati që merr më shumë vota në të 12 debatet e marra së bashku, do të jetë kryetari i ri Forumit Rinor të Partisë Demokratike.
Kryetari i ri i FRPD do të zgjidhet pas 12 debateve në 12 qarqe
