Një miqësi e konsideruar nga më të “konsoliduarat”, ajo midis Albana Osmanit dhe Eneda Tarifës është prishur.
Pas serialit bombardues në Instagram dhe Facebok me fotografi dhe dedikime, ku shprehnin dashurinë dhe mbështetjen për njëra tjetrën, mësohet se vajzat nuk e ndjekin më njëra tjetrën, as virtualisht dhe as në realitet, raporton “Panorama”.
E ndërsa ky lajm mund t’ua ketë zënë veshin, me siguri arsyet nuk i dini.
Epo një arsye kemi arritur të marrim vesh se, pse dy mikeshat janë zënë? Bëhet fjalë për një kopertinë reviste.
Ato kanë qenë në katin e dytë të një bar-restoranti pranë qendrës së Tiranës, teksa janë grindur në tavolinë se cila duhet të dilte e para gjatë verës në kopertinën e një reviste.
Nga biseda me zë të lartë, që ata kanë zhvilluar, dëshmitarët kanë treguar se Eneda ka pretenduar se, drejtuesit e revistës ja kishin dhënë asaj fjalën për ta nxjerrë në kopertinën e revistës, por Albana ka ndërhyrë duke i marrë ekskluzivitetin të pozojë vetë e para.
Pavarësisht justifikimeve të Albanës duket se Eneda nuk është bindur, pasi që nga ajo ditë vajzat janë ndarë për të mos qenë më shoqe.
