Në foto Aurora Oskian
Policia ka ndaluar disa persona lidhur me ngjarjen që ndodhi mbrëmë në Tiranë ku dy persona u vranë dhe një tjetër u plagos, ndërsa hetimet e para cojnë në tri pista , e para pazare të prishura droge, e dyta shënjestra ka qënë Elvis Gacaj dhe e treta ndonjë përfshirje e mundshme në pastrim parash.
Kevin Rugova, një nga viktimat e mbrëmshme është zënë pak ditë më parë me miq të tij lidhur më cështje droge. Zona ku ata vepronin ishte e preferuar për shitësit dhe trafikantët e drogës.
Në foto Kevin Rugova
Pista tjetër e pastrimit të parave vjen pasi në cantën e Aurora Oskian janë gjetur një sasi e madhe parash të tërhequra dje nga banka. Burimet thanë se kjo pistë përforcohet edhe nga identifikimi i një autori të mundshëm, i cili rezulton shok i Rugovës
Ndërkohë nisur nga e kaluara, si person me precedentë të mëparshëm kriminalë, burimet thanë se objektiv i këtij atentati ka qenë shtetasi Elvis Gaçaj, i cili mbeti i plagosur.
Por policia ka shpjeguar se pjesa më e madhe e plumbave të automatikut janë shkrepur mbi trupin e 29- vjeçares Aurora Oskian. Policia dyshon edhe për ndonjë sulm për motive xhelozie.
Nuk ka ende një pistë zyrtare të hetimeve nga policia për vrasjen e dyfishtë të ndodhur mbrëmë në Tiranë.
