PËRGJIMI/ Biznesmeni i arrestuar në Itali: Në Shqipëri mbaron punë me një zarf të mirë për politikanët

Lajmi në një nga mediat italiane
Operacioni i fundit në Firenze, me prangosjen e 1 biznesmeni dhe 3 zyrtarëve të lartë të Anas Toskana, zbulon korrupsionin ne shumë vende, përfshirë edhe Shqipërinë.
Të arrestuarit janë vënë në akuzë se janë përfshirë në shkëmbime favoresh dhe ryshfetesh në fondet e dhëna për ndërtime e riparime rrugësh, në mënyrë të veçante në riparimet apo ndërhyrjet ne raste emergjencash nga moti.
Mediat italiane raportojnë se te arrestuarit joshnin me shuma të majme zyrtarë për t’u futur në fituesit e fondeve. Përgjimet që janë bërë nxjerrin zbuluar zyrtarë të lartë që kanë marrë favore në shkëmbim të firmave që kamë vënë.
Sipas mediave, përqindjet qe ndaheshin i takojnë shumave nga 190 mijë euro në 3 milionë euro.
“Të gjithë janë të korruptuar dhe të korruptueshëm. Pjesa me e madhe e tyre janë m… Nuk e di kanë shtëpi gjithandej dhe paguhen nga ndërmarrja edhe për banesat”, dëgjohet të thotë biznesmeni i arrestuar, gjatë përgjimit.
Ndërkohë që Roberto Troccoli, drejtori administrativ i Anas Toscana gjatë diskutimit me sipërmarrësin Francesco Mele për një ryshfet në Shqipëri (ndoshta i destinuar për një autoritet të lartë të politikës) pranon mes qeshjeve me mikun e tij, “Po shiko, se në gjithë vendet normale është kështu, që nga  Abu Dhabi, Amerika dhe Shqipëria”, thotë ai.

Pjesa e përgjimit për Shqipërinë
Ndërkohë një përgjim qe mban datën në 3 prill 2015, biznesmeni i arrestuar flet me të dashurën. Kjo i tregon se motra e saj ka informacion se si funksionojnë gjërat në Shqipëri.
“…mund të takosh kollaj një funksionar të lartë politik por duhet një zarf i mbushur mirë për këtë tipin që njeh personazhin që merr zarfin”.