Presidenti i vendit, Bujar Nishani tha se mazhoranca nëpërmjet reformës në drejtësi po shantazhon Prokurorin e Përgjithshëm duke i ndërprerë mandatin me implementimin e saj. Nishani tha se nuk është normale që të ndërpritet mandati pa shpjeguar arsyet rreth kësaj.
Presidenti tha që qeveria duhet ta ndaj mendjen, të mbajë një prokuror që e emëron qeveria pra në këtë rast mban edhe përgjegjësi ose të ruajë standartet e një prokurori të pavarur. Reforma e emëron prokurorin si përzgjedhje të vetë porkurorëve. Këtë skemë e kritikoi Presidenti duke shpjeguar se nëse ne duam të luftojmë korporatizmin në drejtësi , në këtë rast ne po e forcojmë atë.
Presidenti tha se ka ndermend te kandidoje serish per postin e Presidentit ne 2017 pavaresisht se ka edhe dy vjet kohe deri ne permbushjen e mandatit.
