Një kuzhinier serb do të vijë në Elbasan për të gatuar për futbollistët e kombëtares së Serbisë. Ndoshta do të gatuajë edhe “Cevapi Kajmakom” pavarësisht se nuk është shumë e sugjeruar për lojtarët, por ama është gatim i sigurtë tradicional serb.
Serbet janë te shqetësuar për shëndetin e futbollisteve te tyre ne takimin e 8 tetorit përballe kombëtares shqiptare, qe do te zhvillohet ne “Elbasan Arena”. Mediat ne Beograd shkruajnë se federata serbe i frikësohet helmimit te lojtareve ne Shqipëri dhe per këtë arsye ata do te dërgojnë ne Shqipëri nje kuzhinier nga Beogradi.
Ai do te kontrolloje ushqimet ne hotelin e përfaqësueses dhe do te gatuaje per ta. Sipas “Kurir”, Velimir Mitroviç do te shoqëroje kombëtaren serbe. Ky vendim është marre per te shmangur nje situate te ngjashme si ajo qe ndodhi me lojtaret dhe stafin e Luksemburgut ne Minsk te Bjellorusise, te cilët u helmuan nga ushqimi.
