Policia e Shtetit njofton se gjatë javës së fundit janë arrestuar 7 persona për shkak të lidhjes së paligjshme të energjisë.
Bilanci javor përfshin punën që kanë bërë 80 grupe të përbashkëta Polici – OSHEE. Që kanë kryer gjithsej 5 .056 kontrolle në të gjithë vendin .
Si rezultat i kontrolleve të kryera në terren në abonentët biznes dhe familjarë, janë evidentuar 30 raste të vjedhjes së energjisë elektrike me 30 autorë.
Nga këta, janë arrestuar në flagrancë 7 persona të cilët akuzohen për vjedhje të energjisë elektrike. Janë shpallur në kërkim 8 persona, si dhe ndiqen në gjendje të lirë 15 persona. Gjatë javës që kaloi janë ndërprerë 1. 759 lidhje të abonentëve debitorë dhe 30 lidhje të paligjshme.
