Itali, arrestohen në San Martino 2 shqiptarë me 23 kg ketaminë. Të arrestuarit janë Blerim Domi, Arjan Deliallisi. Ata u zbuluan nga policia ndërsa po hidhnin nga një bidon në shishe plastike sasinë e ketaminës së lëngshme.
Të dy shqiptarët njëri 39 dhe tjetri 41 vjec, po e kryenin mbushjen e shisheve në një vend të fshehur cfarë zgjuan edhe dyshimin e policisë.
Lëngu ishte i celur, pra nuk mund të ishte karburant dhe policët janë afruar për të parë. Dy shqiptarët janë zbuluar për shkak të nervozizmit ndërkohë që policia ka bërë analizën e lëngut.
Ai rezultoi të ishte ketaminë, një narkotik sintetik. Të dy shqiptarët tashmë janë të vendosur në burgun e Veronës.
