DOKUMENTET/ Si u bë hajduti i ndihmës ekonomike drejtor shkolle

Drejtori i shkollës “Kristo Isak” në Berat është një i dënuar për vjedhje të ndihmës ekonomike. Denoncimin e ka bërë sot PD.
“Ja ku kemi këtu, të emëruarin e qeverisë si drejtor të shkollës së mesme profesionale ‘Kristo Isak’ në Berat.
Me firmën e Ministrit Klosi, vjen në këtë detyrë me 1 shtator, Armelin Çili, një i dënuar në vitin 2011, me 12 muaj për korrupsion. Armelin Cili është kapur dhe është provuar se ka abuzuar me ndihmën ekonomike në dhjetëra raste.
Duke përdorur paratë e ndihmës ekonomike, me një skemë vjedhjeje, sikur ia jepte personave që në fakt rezultonin se ishin jashtë shtetit. Një hajdutëri skandaloze dhe e papranueshme. E megjithatë, me rilindjen, ky person promovohet dhe bëhet drejtor i shkollës profesionale”, ka denoncuar në emër të PD-së, Luçiano Boçi.