Në qershor 2014 kërkuesi Nikoll Prenga ka bërë kallëzim pranë Prokurorisë së Përgjithshme kundër shumicës së kryeministrave të shtetit shqiptar që kanë drejtuar vendin pas vitit 1990, duke i konsideruar ata si
përgjegjësit kryesorë për të gjitha ato që kanë ndodhur në vendin tonë gjatë kësaj periudhe postkomuniste.
Në dy faksimilet e publikuara këtu janë rreshtuar argumentat që e kanë cuar Nikoll Prengën të hartojë këtë padi. Ato lidhen me vendimmarrjen e të gjitha qeverive lidhur me pronat, ndërmarrjet shtetërore, privatizimin, pronësinë, strategjitë e zgjedhura për të qeverisur etj.
Nikolla ka kërkuar ngritje të akuzës edhe për Ramiz Alinë të cilin e lidh me shkatërrimet e vitit 90-91. Te merret si provë materiale inventari i pasurisë shtetërore të vitit 1990, shkruan Prenga, rezervat, thesari.
Në padi ai përfshin edhe trafikun, veprimtarinë kriminale që sipas tij është pasojë e drejtimit të vendit nga kryeministrat të përfshirë në padi.
Por ai nuk lë pa përmendur që të hetohet rreth ndihmave financiare të komunitetit ndërkombëtar, si janë përdorur ato pasi sipas tij ka munguar transparenca.
Gjykata e Lartë ka vendosur shqyrtimin yshtjes nga Prokuroria e Përgjithshme, pasi një sërë vendimesh në gjykata të niveleve të tjera e kishin rrëzuar këtë padi.
