Policia greke ka shkatërruar një organizatë kriminale shqiptaro-greke. Mediat greke raportojnë se anëtarët e saj trafikonoin sasi të konsiderueshme lëndë narkotike e llojit heroinë dhe kanabis. Policia ka arrestuar 5 shtetas grekë, një grua 37 vjeç, ndërsa janë shpallur në kërkim një shqipiptar dhe tre bashkëpunëtorë të tij.
Personi që drejtonte bandën është një shqiptar 41-vjeçar, identiteti i të cilit nuk bëhet i ditur. Sipas burimeve, ai ka furnizuar me drogë bandën të paktën 183 herë.
Policia ka sekuestruar në banesat dhe automjetet e anëtarëve të bandës doza heroine dhe marijuane, 7 bimë narkotike kanabis sativa, një çifte, 50 fishekë, 278 celularë dhe 3360 Euro.
