I erdhi fundi edhe emisionit “Shqip” të Rudina Xhungës. Burime të Top-Channel, mësohet të kenë thënë se programi më i vjetër i këtij kanali, i transmetuar më 3 maj 2002, nuk do të shfaqet për një kohë të pacaktuar. Zëra të ndryshëm pohojnë se shkak për mbylljen e programit është rënia e shikueshmërisë, ndërsa prezantuesja e këtij emisioni, Rudoina Xhunga, duket se do të marrë një propozim për një tjetër format televiziv.
Emisioni i parë “Shqip” për këtë sezon, do të jetë edhe i fundit që do të transmetohet në Top-Channel. Mbetet të shohim se ku dhe në çfarë formati do të shohim gazetaren Rudina Xhunga.
