Rikthehet në skenën e teatrit aktorja Luiza Xhuvani, por tashmë me një rol të pazakontë për një femër. Ajo do të luajë rolin e Hamletit.
Tragjedia shekspiriane do vihet në skenën e Teatrit Kombëtar Eksperimental Kujtim Spahivogli më 10 tetor. Regjisor i shfaqjes teatrale është Enke Fezollari, i cilika përzgjedhur një produksion të veçantë për të vënë në skenë tragjedinë “Hamleti”. Pas disa vitesh mungesë në skenën teatrore, “Hamleti” rikthehet nga roli i një gruaje. Imazhi i tij do t’i përshtatet portretit femëror të Luiza Xhuvanit, e cila do të interpretojë tragjedinë e tradhtisë, vrasjes, xhelozisë, çmendurisë.
“Të jesh apo të mos jesh”- dilema e Luiza Xhuvanit në jetën reale që kthehet në një dilemë teatrale të veprës “Hamleti”.
