Pritej që shikueshmëria e puntatës së parë të X-Factor UK të ishte më e lartë se ajo e vitit të kaluar, por mesa duket programi i talent show ka pësuar një rënie drastike. Sipas gazetës “Mirror”, programi ka humbur 2 milionë shikues krahasuar me një vit më parë.
Gazeta e lidh humbjen e shikueshmërisë me përbërjen e panelit, ku përfshihet edhe këngëtarja shqiptare Rita Ora dhe Nick Grimshaw.
Por, edhe pse thuhet që mund të jetë prania e Rita Orës në talent show që mund të ketë ndikuar në rënie të shikueshmërisë, vitin e kaluar ishte ajo që ngriti shikueshmërinë e konkurrentit kryesor të X Factor.
