Edi Rama ka projektuar një format të ri të organizimit të PS. Organizatat e PS-së do të strukturohen në 6 rajone në të gjithë vendin. Qarqet aktuale fqinje do të bashkohen në rajon. Rajoni i parë do të jetë ai Vlorë Gjirokastër, ose rajoni i jugut.
Besohet se në gjuhën e PS-së rajonet mund të mbajnë emrat që komunikoi kohë më parë ministri i Pushtetit Lokal për një nga skemat e ndarjes territoriale atëherë kur diskutohej ligji për ndarjen administrative.
Por është e mundur të thirren edhe zona “operative”, cka sjell një konfirmim edhe gjuhësor, edhe historik me periudhën e luftës gjysmë-çlirimtare e gjysmë-civile që zhvilluan komunistët përgjatë viteve 1943-1944.
Kryeministri Rama kishte një mbledhje të ngushtë në Vlorë në të cilën morën pjesë deputetët e qarkut dhe krerët e qeverisjes vendore. Takimi u zhvillua te Vilat Qeveritare, dhe të pranishëm ishin deputetët socialistë Koço Kokëdhima, Andrea Marto dhe Mira Shehu. Në takim është i pranishëm edhe kreu i këshillit të qarkut Sadrit Danaj.
Cështjet e disktuara në takim ishin funksionimi dhe vendimmarrja në nivel lokal i socialistëve.
Kalimi në strukturën e re të organizmit të PS-së do të nisë që në shtator dhe do të kryesohet nga një grup pune në nivel qarku e më pas rajoni, pjesë e të cilit do të jenë drejtuesit vendorë, deputetët dhe dy ministra për çdo rajon.
Në takim është folur emërime në institucione të ndryshme lokale. Takimi ka nënvizuar nevojën e rishikimit të burimeve njerëzore në të gjithë rajonin dhe marrjen e shpejtë të vendimeve lidhur me ripërtëritjen e tyre.
Paraprakisht besohet se drejtimi i qarqeve do të jetë sipas si në vijim: Blendi Klosi do drejtojë qarqet Fier- Lushnjë, Saimir Tahiri qarqet Tiranë- Durrës, Taulant Balla qarqet Elbasan- Korçë, Ditmir Bushati qarqet Kukës- Dibër.
Ndërkohë mësohet se Koco Kokëdhima është caktuar të drejtojë qarkun Vlorë-Gjirokastër.
