Zyrtarët gjermanë përgënjeshtrojnë Ramën dhe Tahirin: Azilkërkuesit shqiptarët erdhën nga Shqipëria, jo nga Greqia

Zyra Federale gjermane për Azil dhe Migracion ka rrëzuar teorinë se shqiptarët braktisën Greqinë për të kërkuar azil në Gjermani. Kjo zyre bazohet në rrëfimet e vetë shqiptarëve që kërkojnë azil, kur thotë se shqiptarët azilkërkues erdhën nga Shqipëria dhe kërkojnë një jetë më të mirë në Gjermani.  
Zyra për Azil dhe Migracion reagoi në lidhjen me deklaratën e Edi Rames, i cili tha që “është fakt që dihet tanimë dhe nga autoritetet atje se shumica dërrmuese e shqiptarëve s’janë të ikur nga Shqipëria po nga Greqia”.
Por sipas Zyra për Azil dhe Migracion, që është autoriteti kryesorë për azilkërkuesit në Gjermani, kjo nuk është gjendja e vërtet.
“Në Gjermani nuk ka asnjë shenjë se shumica e azilkërkuesve shqiptarë janë ish-emigrantë nga Greqia. Është e mundur që Greqia është përdorur si një rrugë transite. Megjithatë, nuk ka asnjë statistikë mbi qytetin i origjinës së azilkërkuesve në vendin e tyre të origjinës. Nga intervistat e azilit qe kryen nga Zyra Federale rezulton se shumica e azilkërkuesve nga Shqipëria janë shqiptarë etnike dhe që kanë jetuar në pjesë të Shqipërisë me një ekonomi të dobët.”
Zyra për Azil dhe Migracion në prononcimin e saj reagon dhe në lidhje me deklaratën e ministrit të Brendshëm Saimir Tahiri, i cili deklaroj që shqiptarët largohen për përfitime sociale. Sipas Zyrës Federale Gjermane për Azil dhe Migracion kjo nuk është arsyeja përse largohen shqiptarët.
“Informacioni ne mblidhemi nga intervistat tona azil është se azilkërkuesit shqiptarë janë të vetëdijshëm se ata nuk kanë arsye për azil. Arsyeja e tyre kryesore për të ardhur në Gjermani është shpresa për një jetë më të mirë dhe hyrjen në tregun e punës këtu”, u shpreh Kira Gehrmann, zëdhënësi i Zyrës për Migracion dhe Azil.
Zyra për Azil dhe Migracion reagoj dhe për kërkesën e ministrit Tahiri, i cili kërkoj bashkëpunimi i Gjermanisë për të ndarë statistikat mbi qytetet të origjinës të azilkërkuesit dhe rrugët që ata zgjedhin për të udhëtuar drejt Gjermanisë. Sipas Zyra për Azil dhe Migracion një kërkese të tille nuk mund të plotësohet nga zyra federale për shkak që statistikat të tilla nuk mblidhen.