Ju, hani çdo ditë të njëjtin ushqim? Jo! Atëherë, përse çdo ditë duhet të keni të njëjtin stil seksi? Vëreni në punë imagjinatën bashkë me partnerin tuaj, që çdo ditë të ketë mënyrën e saj.
E hënë: Ekzistojnë shumë mënyra të mira për të filluar një javë të këndshme. U çlodhët në fundjavë, fjetët mjaftueshëm ditën e diel, atëherë, pse të mos çoheni gjysmë ore para dhe ta hani mëngjesin në krevat?! Më pas gjithçka vjen vetë.
E martë: Nuk ka lojëra këtë natë. Duhet të çoheni shpejt në mëngjes për të shkuar në punë dhe nuk duhet ta teproni, por ju themi që të filloni direkt e në sulm, gjithçka të jetë e shpejtë.
E mërkurë: Jeni në mes të javës dhe kërkoni pak kohë në mbrëmje të jeni të përqafuar me njëri-tjetrin. Shkoni në dhomën e gjumit, ndizni dy qirinj, relaksohuni në shtrat dhe lodhja që keni do ju largohet ngadalë.
E enjte: Në të vërtetë, kriza ekonomike ka një të mirë: ju ka dhënë mundësi që të takoheni më shpesh me njëri-tjetrin. Në orarin e punës bëni një përpjekje të vogël të largoheni gjysmë ore nga puna, të shkoni në ndonjë hotel aty afër, ose përdorni makinën tuaj. Kur të ktheheni, do keni oreks akoma më shumë për të punuar.
E premte: Erdhi dita që ju prisni; do bëni një seks të egër, do fusni në lojë të gjitha fantazitë, lojërat tuaja, çdo gjë që ju bën të nxeheni. Ky është momenti i duhur!
E shtunë: Është dita kur ju duhet të dilni si njerëz dhe të pini një gotë më shumë, ose, të merrni një shishe verë dhe të rehatoheni në sallonin tuaj do jetë më romantike. Do lodheni aq sa duhet, do keni marrëdhënie seksuale të paharrueshme dhe do zgjoheni kur të dëshironi.
E diel: Keni gjithë ditën përpara, mos e përdorni shtratin vetëm për gjumë. Mendohuni mirë se mos ndoshta keni diçka tjetër më mahnitëse për të bërë, diçka që t’jua bëjë ditën të lumtur.
