Informacione të reja dalin në dritë lidhur me pushimet përrallore të ministrit të Brendshëm, Saimir Tahiri në ishullin grek të Korfuzit. Sipas gazeta “Rilindja Demokratike” (RD), Ministri Tahiri i shoqëruar nga shpura e tij prej pesë makinash ka lënë kufirin shqiptar ditën e shtunë, më 1 gusht për të udhëtuar drejt Igumenicës. Prej andej ministri dhe autokolona e tij me makina luksoze janë akomoduar në tragetin e linjës Igumenicë–Korfuz. Pas një ore e gjysmë udhëtimi ata i janë drejtuar një prej resorteve më luksoze të ishullit grek, që mbahet ndryshe si krenaria turistike e Korfuzit dhe ku ai ka qëndruar për 10 ditë.
“Corfu Imperial” është një resort turistik i mrekullueshëm, ku pagesa për një natë të vetme shkon deri në 3200 euro.
Ministri Tahiri dhe autokolona e tij turistike është kthyer në Sarandë më datë 11 gusht. Në të njëjtën ditë, kur shërbyesit e tij po i dërgonin valixhet në suitën e radhës, Tahiri ka nxituar të shpërndajë fotografitë nga tarraca e një tjetër hoteli, që të na tregojë se ka qenë duke pushuar në Shqipëri. Alibia e tij është një përpjekje diletante për të shmangur detyrimin zyrtar dhe qytetar që të bëjë transparencë lidhur me pushimet e tij përrallore.
Zyra e shtypit e ministrit nuk ka përgënjeshtruar lajmet e mediave për pushimet luksoze në hotelin e milionerëve në Korfuz. Arsyeja se përse nuk ka pasur një njoftim zyrtar lidhet me faktin se lëvizja e Tahirit në drejtim të Greqisë mund të provohet përmes sistem TIMS ndoshta jo atij që kontrollohet nga Tahiri, por sistemit grek.
Në këto pushime në Korfuz Tahiri është shoqëruar nga ish-drejtuesi i Njësisë Minibashkiake nr. 6, Krenar Cenollari, i cili njihet si mik i përbashkët me Tahirin dhe deputetin Frroku.
Për më shumë mund të lexoni …
Si edhe …
