Dy motrat Kajtazi u larguan me dëshirë nga shtëpia e tyre duke e thurur vetë planin e arrtisjes dhe nuk janë shrytëzuar nga askush. Ky është konkluzioni që nxjerr Policia e Durrësit pasi ka marrë deponimet e dy motrave të zhdukura që prej 16 korrikut.
Mësohet se në polici vajzat kanë thënë se janë arratisur pasi nuk ndiheshin të lira në shtëpi. Njëra prej vajzave është shprehur:
“Na mbyllnin brenda dhe nuk na linin të dilnim”. Mësohet se vajzat kanë thënë se prindërit nuk i trajtonin mirë dhe donin t bënin qejf.
Në qëndrimin e tyre në qytetin bregdetar, vajzat kishin marrë me qera një apartament në katin e dytë të një pallati në lagjen Kushtrimi në Vlorë, në shumën 300 mijë lekë për një muaj. Duke qenë se vjazat ishin të padala, ato kishin kontaktuar më parë një agjensi imobiliare për të marrë me qera apartamentin. Vajzat deklaruan se kishin marrë nga shtëpia 2 milionë lekë dhe 300 euro, ndërsa në deponimin e tyre prindërit thanë se vajzat kanë marrë 4 milionë lekë dhe 800 euro. Pasi u gjetën nga policia, vajzat kishin me vete 1 milionë lekë dhe 100 euro.
Sipas policisë, gjetja e vajzave ishte e vështirë, pasi ato ishin kamufluar duke u kthyer nga brune në bjonde, për te mos u njohur nga të tjerët, meqënëse edhe historia e tyre ishte bërë mjaft publike.
Kjo histori hakmarrje dyshohet të jetë ndërmarrë nga motra e madhe Oralda Kajtazi, për prishjen e fejesës nga ana e prindërve të saj.
Letra që vajzat Kajtazi kishin lënë në shtëpi me fjalët: “Ta morëm hakun, shtëpinë e dogjëm, vajzat nuk i shikoni më”, sipas policisë është shkruar nga motra e vogël.
Motrat Kajtazi rrëfejnë ditët e arratisjes: Nuk do të ktheheshim në shtëpi po të mos na gjente policia
