Miley Cyrus, e cila ka luajtur në rolin e personazhit të Disney-t, Hannah Montana, i shkaktoi asaj çrregullime psikologjike sa i përket pamjes së jashtme, duke i krijuar një koncept të gabuar për bukurinë.
Në një intervistë për revistën “Marie Claire”, Cyrus thotë se personazhi i Hannës e bëri atë që të humbte vetveten.
“Kur isha 11 vjeç, isha yll pop-i. Kjo do të thotë se duhet të kesh flokë bjondë e të gjatë dhe duhet të vishesh me gjëra me shkëlqim. Ndërkohë që në të vërtetë, isha një vajzë e vogël dhe e brishtë që po luante një 16-vjeçare me paruke e plot makiazh. Dukesha dikush që nuk isha dhe kjo më shkaktoi probleme me veten dhe pamjen time të jashtme, derisa një ditë e gjeta veten duke pyetur, “kush dreqin jam”?”, u shpreh këngëtarja 22-vjeçare Cyrus.
Miley Cyrus ka qenë shpesh objekt kritikash për look-un e saj tejet ekstravagant, dhe së fundi për prirjet e saj homoseksuale, e cila aktualisht ndodhet në një lidhje me modelen e Victoria’s Secret, Stela Maxwell.
Mesa duket, tashmë Miley e ka rigjetur vetveten.
FOTO/ Miley Cyrus: Problemet e mia psikologjike, që nga koha e Hannah Montana-s
