Një shqiptar 28-vjeçar është dënuar me 2 vjet e 8 muaj burg për shpërndarje të kokainës në Britani, ditën e djeshme.
Shqiptari 28-vjeçar, i identifikuar si Alban Bruci njihej si shpërndarës kokainë në zonën e Bredfordit. Ai u kap së bashku me një bashkëpunëtor të tij, Shaban Husein, 26 vjeç.
Siç njoftojnë mediat britanike, Bruci dhe Huseini përdornin taksi për të marrë drogën, që më së shumti e blinin në Londër. Më pas, të dy e shisnin atë në qytetin e Bradfordit.
Mirëpo, Bruci dhe Huseini bënin jetë të thjeshtë. Të dy ishin regjistruar si të pastrehë dhe përdornin taksitë për të transportuar drogën, në mënyrë që të mos binin në sy të policisë.
Ata u kapën më 24 mars të këtij viti, dhe brenda mjetit taksi që ngiste Huseini, u gjetën 1 kg drogë e llojit kokainë, e cila vlente 50 mijë paund.
Bruci u tha hetuesve se ai merrte vetëm 600 paund për çdo dërgesë që bënte, edhe pse sasitë që ai transportonte i vlerësonte me çmimin e 6 mijë paundëve.
Britani, shqiptari i pastrehë shpërndante kokainë me taksi për të mos rënë në sy
