Bashkia e Tiranës ka nisur punën për restaurimin dhe kthimin e në identitet të monumentit të 100 vjetorit të Pavarësisë. Punimet janë njoftuar nga kryetari i ri i bashkisë së Tiranës, Erion Veliaj. “”Tualeti” më i shtrenjtë në Tiranë. Nga sot ndalojmë degradimin dhe vandalizimin e Monumentit të Pavarësisë, për ta pasur gati në 28 Nëntor. #TiranaNePune”, shkruan ai në fb.
Mësohet se punimet do të zgjasin disa javë. Fillimisht ato do të fokusohen në ndaljen e degradimit, ndërsa më pas do të vijohet me restaurimin e objektit për ta kthyer atë në gjendjen fillestare.
Monumenti i 100 vjetorit të Pavarësisë është vepër e autorëve Visar Obrija dhe Kai Kiklas. E realizuar në Austri dhe e vendosur më pas në parkun Rinia të Tiranës, vepra është e lartë 6.4 metra dhe e gjerë rreth 5.5 metra dhe ka kushtuar rreth 350 mijë euro. Monumenti përbëhet nga dy trupa që përfaqësojnë një kullë të hapur dhe të rrotulluar, ku një pjesë mban tavanin dhe tjetra dyshemenë.
Monumenti është i veshur me panele anësore prej bronzi të cilat filluan të hiqeshin nga vjedhësit e metaleve të cilët kanë një bashkëpunim të mirë me policinë dhe nuk ndëshkohen asnjëherë.
