Partia Socialiste do të hyje në një proces zgjedhor, por jo për kryetarin, mandati i të cilit përfundoi shtatorin e viti 2013. Kjo u vendos sot në mbledhjen e Asamblesë Kombëtare të PS-së.
Për kryetarin vendimarrja do të vijë në kongresin e janarit dhe parashikon që kur partia fiton zgjedhjet dhe ai bëhet kryeministër, të mos jetë e nevojshme votëbesimi në parti sipas parimit 1 anëtar një votë për aq kohë sa qëndron në pushtet. Këtë praktikë, në kundërshtim me statusin e PS-së, që kryeministri Edi Rama ndoqi për dy vjet, tani ka vendosur ta bëjë një rregull të shkruar në statut.
STATUTI I PS
Neni 30
Kryetari i Partisë Socialiste
2. Mandati i Kryetarit të Partisë është 4 vjet. Mandati i tij ndërpritet para kohe kur:
a. jep dorëheqjen;
b. partia humbet në zgjedhjet e përgjithshme legjislative;
c. humbet në mocionin e mosbesimit të zhvilluar për të me kërkesën e 1/3 së anëtarëve të partisë.
Mocioni administrohet nga Komisioni i Zgjedhjeve të Partisë (KZP).
