Në pikën kufitare të Morinës është arrestuar një doganier. Sipas burimeve zyrtare ai është Ardian Shehu, 44 vjeç nga Fieri, doganier në pikën kufitare të Morinës, i cili lejoi kalimin në mënyrë të paligjshme të një automjeti në këmbim të një ryshfeti. Krahas Shehut, krimi ekonomik për korrupsion ka arrestuar edhe 25- vjeçarin Festim Nozllaku nga Kashari që drejtonte automjetin. Doganieri Shehu ka marrë 1.000 lekë ryshfet nga Festim Nozllaku për të kaluar pa veprime doganore dy pishina plastike që nuk kishin dokumentacionin përkatës.
