Ministri i Drejtësise, Nasip Naço ka urdhëruar nisjen e inspektimit në Gjykatën e Rrethit Gjyqësor Berat. Ky inspektim vjen pasi janë vënë re shkelje të rënda ligjore, ku në 16 mars të këtij viti, gjykata e Beratit ka njohur në favor të kërkuesit K. G një pronësi me sipërfaqe 747 ha në rrethin e Skraparit. Edhe pasi kjo kërkesë është rrëzuar nga AKKP, Gjykata e Rrethit Gjyqësor Berat ka njohur pronësinë në kundërshtim me ligjin. Lidhur me këtë ngjarje , Ministri i Drejtësisë, Naço tha: “Jemi të vendosur për të verifikuar çdo shkelje të ligjit dhe vënien përpara përgjegjësive për çdo rast.”
Inspektimi në Gjykatën e Beratit për një pronë të paligjshme
