Enkelejd Alibeaj që garoi në Fier është optimist për fitore në bashkinë më problematike të Shqipërisë. Ai vlerësoi procesin e votimit si të qetë dhe me kushte optimale që fierakët të kishin mundësi të shpreheshin lirshëm. Sipas tij numri i votuesve është një shenjë se fierakët janë zgjuar. “ Kanë marrë pjesë në votime 44.4 % , një shifër e kënaqshme. Kanë marrë pjesë partiakë dhe indiferentë. Publiku fierak u zgjuar nga letargjia e kaq e kaq viteve. Kur publiku flet të gjithë duhet të heshtin. Procesi i numërimit shpresoj të jetë në standard. Fieri ka fituar sfidën e emancipimit politik duke përjashtuar disa incidente të vogla të atyre që kanë qenë në pushtet deri më sot. Po presim me kërshëri të shohim rezultatin”, tha Alibeaj.
Alibeaj: Fieri u zgjua nga letargjia e kaq viteve, po pres rezultatin
