Jo më larg se katër ditë më parë, kryeministri Edi Rama nuk e fshihte kënaqësinë për mbylljen nga ushtria dhe me mjetet e ushtrisë e një kanali ujërash të zeza, dhjetëra metrash, në Golem.
“Ujërat e zeza përmes plazhit siç i shkarkonte qeveria e PD dhe mbyllja e kësaj plage të turpshme përmes projektit tonë”, shkruante Edi Rama katër ditë më parë në “Facebook”, duke postuar edhe këto dy foto.
Katër ditë më pas, sot, edhe Auron Tare, nxiton të shtojë ndonjë yll në spaletat e tij, për këtë kanal ujërash të zeza, të mbyllur nga ushtria dhe me mjetet e ushtrisë.
“Tashmë kemi një vijë bregdetare të sistemuar, pa derdhje të ujërave të zeza, ndërkohë që ekziston vetëm kanali pranë kavalishencës në Plepa, i cili kërkon zgjidhje teknike”, është shprehur me sinqeritet sot Auron Tare, kreu i Agjencisë Kombëtare të Bregdetit, për këtë kanal tjetër, të pa mbyllur ende nga ushtria dhe me mjetet e ushtrisë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
