Komisioni Qendror i Zgjedhjeve ka hedhur poshtë kërkesën e Partisë Demokratike për të ç’regjistruar 2800 votues nga listat e gjendjes civile të Bashkisë së Durrësit që sipas opozitës janë regjistruar në mënyrë fiktive për arsye elektorale.
Sipas demokratëve ky është një krim elektoral që ata thonë se kanë prova se është konsumuar dhe në Bashkinë e Kavajës.
Por përfaqësuesit ligjorë të PS dhe LSI thonë se në kërkesën e demokratëve duhet të përfshihet dhe Vora, ku ata thonë se ka prova se ka banorë të regjistruar në mënyrë abuzive si votues të kësaj Bashkie.
Sipas Drejtorit të Përgjithshëm të Gjendjes Civile i cili ka raportuar përpara KQZ me kërkesë të opozitës, hetimi për rastin e Durrësit është bërë nga kjo Drejtori dhe sa kohë që ka një hetim të organeve të drejtësisë, ata nuk mund të ndërhyjnë për të bërë ndryshime në listat e zgjedhësve.
Debati politik është kthyer në një debat personal mes kryetares së KQZ dhe përfaqësuesit të demokratëve në këtë institucion, kur ky i fundit i ka kujtuar Luzit se po mban qëndrime të anshme në vendimmarrjen e saj muajt e fundit.
Për më shumë mund të lexoni edhe …
Si edhe …
/web/FOTO_Dako_shton_2800_banore_ne_lista_e_zgjedhesve_i_strehon_ne_pallate_ne_ndertim_3134_1.php
