Një grup mbështetësish të PS dhe makina te tyre kanë krijuar një incident elektoral në Kombinat, pak minuta para se atje të fillonte një takim me kandidatin e opozitës për kryetar bashkie, Halim Kosovën.
Fillimisht ata janë afruar afër vendit të takimit me flamuj të PS-së. Më pas kanë filluar të fyejnë pjesëmarrësit në këtë takim cfarë ka krijuar një situatë tensioni mes dy palëve.
Policia ka ndërhyrë për të shmangur një sherr që mund të kishte edhe pasoja mes grupeve të ndryshme të mbështetësve.
Kosova ka një grup të madh votuesish asnjanës por edhe të majtë. Provimi për të krijuar situata të tensionuara në prani të Kosovës tenton të shkëputë këta lloj votuesish prej tij.
