PR: Projekti Beograd – Durrës mbështetje e Ramës për interesat serbe, Shqipëria asnjë përfitim

Partia Republikane ka reaguar sot kundër projektit për autostradën që do të lidhë Serbinë me Shqipërinë.
Republikanët e cilësojnë firmosjen e këtij projekti si një nga marrëzitë e kryeministrit shqiptar Edi Rama, që nuk kanë fund.
“Nëpërmjet medias ka njoftuar se do të firmosë me kryeministrin serb Vucic, projektin e autostradës Beograd – Nish – Prishtinë – Merdare – Durrës. Ky projekt dhe investim nuk i jep asnjë përfitim Shqipërisë, të paktën për momentin.
Së pari: Prishtinë – Merdare – Durrës, autostrada është e përfunduar. Është ajo autostradë që Rama nuk ka lënë gjë pa thënë kundër ndërtimit të saj.
Së dyti: Nëse ky lajm është i konfirmuar, as më shume dhe as më pak Rama veçse mbështet interesat e palës serbe për të ndërtuar me fondet e BE-së infrastrukturën e saj.
Së treti: Në kushtet e një politike tërësisht diskriminuese për Kosoven në shkëmbimet tregtare, sot Kosova ka fluks tregtar më të madh me Serbinë së ne, kjo rrugë do t`i jepte më shumë hov marrëdhënieve ekonomike Kosovë – Serbi sesa ndërmjet shqiptarëve.
Së katërti: Është absurde të dish që do të rritet fluksi i turistëve serb drejt Shqipërise duke i siguruar atyre një dalje të re në det. Ata e kanë një dalje me Malin e Zi, i cili ka një turizëm shumëfish më të organizuar dhe më kualitativ se ne, kanë të njëjtën gjuhë dhe zakone dhe rreth 1/2 e popullsisë është serbe.
Së pesti: E vetmja lehtësi për ne si shqiptarë është mundësia për të arritur më shpejt në vendet e BE-së.
Në dy vitet e para të qeverisë 2005 – 2007 ne rritëm investimet publike në infrastrukturë si asnjë vend tjetër.
Ne mundësuam ftesën për antarësim në NATO.
Ne na vizituan personalitet më të larta botërore të mbrojtjes, politikës së jashtme, Presidenti i BE-së.
Presidenti Bush vizitoi Shqipërine në qershor 2007 dhe deklaroi:
1- Mbështetjen për anëtarësimin në NATO.
2- Pavarësinë e Kosovës
3- Ishte i pari President i SHBA në detyrë që vizitonte Shqipërinë.
Ndërsa Rama në dy vite:
1-Vuçiç i pari Kryeministër serb që vizton Shqipërinë.
2- Vuçiç deklaron në Tiranë në krah të Ramës se Kosova është pjesë e Serbisë.
3- Asnjë investim në infrastrukturë.
Dallimin bëjeni ju se çfarë i ka shërbyer dhe i shërben më mirë Shqipërise dhe shqiptarëve”, thuhet në deklaratën e PR-së.