Shefi i opozitës, Lulzim Basha i është përgjigjur fjalimeve të kryeministrit Edi Rama për rëndësinë e grave në shoqëri, politikë dhe administrim. “Çfarë dashurie ke për gratë, kur nuk ke hapur asnjë perspektivë, asnjë mundësi për punësimin e tyre apo të burrave të tyre? Kur vetë gratë shkojnë në shtëpi me kokën e ulur dhe me sytë përdhe, sepse shumica prej tyre nuk e dinë si ta mbyllin muajin, nuk e dinë ku t’i gjejnë lekët për të nesërmen, kur listat shtohen, kur mijëra e mijëra janë nxjerrë nga puna apo janë hequr nga listat e ndihmës ekonomike. Ndaj, me 21 qershor kemi një mundësi, ashtu siç erdhi e keqja, ashtu ta ndalim me votë”, tha Basha gjatë një takimi në Fier sëbashku me kandidatin demokrat Enkelejd Alibeaj!
Kryeministri Rama e ka vendosur cështjen e grave në krye të axhendës së tij të fjalimeve përgjatë kësaj fushate. Duke iu drejtuar vazhdimisht atyre ia ka dalë që të tërheqë vëmëndjen e një mase të madhe prej tyre nëpërmjet inkurajimit për të marrë përgjegjësi dhe për të tejkaluar edhe burrat. Kryeministri po përpiqet të ndërtojë një raport publik të mirë me femrat pasi për një periudhë të gjatë u akuzua për keqtrajtimin që ai u kishte bërë ish-grave të tij si dhe bashkëpunëtorëve të veta të shumta në bashki dhe qeveri.
