Një i ri ka humbur jetën ditën e sotme në Krujë, pasi u aksidentua ndërsa drejtonte mjetin tip Zetor. Indrit Dobrozi 22-vjeçi, po drejtonte zetorin, i cili për një moment ka dalë nga rruga dhe është përmbysur.
Por kjo ka rezultuar fatale për 22-vjeçarin, të cilin e ka zënë poshtë mjeti, duke i shkaktuar vdekjen e menjëhershme.
Nga të dhënat e para, dyshohet se shkak për ka qenë një defekt në sistemin e frenimit të mjetit.
Ndërkaq në vendin e ngjarjes kanë mbërritur uniformat e policisë dhe po punojnë për zbardhjen e plotë të rrethanave dhe shkaqeve të aksidentit.
