Policia e Tropojës parandaloi sot pasdite një krim brenda familjes në fshatin Curraj i Poshtëm por ndërkohë gjatë ndërhyrjes ka gjetur një arsenal armësh e municioni. Janë gjetur dhe sekuestruar: 1 Kallashnikov, 2 Pushkë , një Çifte , 1 granate dore ,52 fisheke , 2.2 metra fitil zjarrpërcellës, 5 kapsolla detonatore dhe 1 elektrike.
Konflikti sipas policisë ishte midis kunatës dhe kunatit për çështje pronësie dhe se konflikti mund të përfundonte në konflikt me armë. Policia ka bërë shoqërimin në Komisariatin e Tropojës të tre vëllezërve , ku në përfundim të veprimeve të para hetimore u bë arrestimi në flagrancë i dy vëllezërve: Artan Hajdarkolaj, 30 vjeç. Admir Hajdarkolaj, 36 vjeç. Ata akuzohen për veprat penale “Armbajtje pa leje “ dhe “Armbajtje pa leje të armëve të gjahut dhe sportive”.
Tropojë, policia parandalon krim në familje në Curraj
