Banorët e fshatit Buzëmadhë në Kukës kanë hyrë në ditën e pestë të izolimit nga reshjet e dëborës, e ndonëse jemi në stinën e Pranverës reshjet vijojnë të bien me intensitet.
Banorët pohojnë se kanë kontaktuar me institucionet vendore por ato ia hedhin fajin njëri-tjetrit për këtë situatë, teksa Prefekti pohon së duhet të jetë këshilli I qarkut që merret me këtë problem, ndërsa kreu i Këshillit të Qarkut pohon se fajin e ka komuna.
Seit Tola banor i fshatit Buzëmadhe pohon së aktualisht janë katër kilometra rrugë që mundësojnë lidhjen e qendrës fshatit me qendrën e komunës Grykë Çaje.
Në këtë fshat janë 45 familje, ndërsa sipas Seit Tolës shumica prej këtyre familjeve nuk kanë ushqim as për vetë as për bagëtitë. Ata bëjnë apel për zgjidhjen e kësaj situate.
Në kushtet e izolimit, një tjetër banor, Ferid Tola i fshatit Buzmadh në Kukës kërkon ndihmë për veten dhe 45 familjet që jetojnë në këtë fshat të komunës Grykë Çaje në Kukës.
Si pasojë e reshjeve të fundit të borës janë të izoluar totalisht prej disa ditësh.
Banorët e këtij fshati thonë se dy rrugët e fshatit që lidhen me Qendër Komunë, janë të bllokuar pasi edhe nga erërat e forta bora është mbledhur duke krijuar një trashësi rreth 1 metër. Për fat të mire deri tani nuk ka emergjenca të rënda shëndetësore. Mënyra e vetme në raste të tilla është vetëm transporti me kafshe për dhjetëra kilometra deri në rrugën nacionale.
Kukës, banorët e Buzëmadhes 5 ditë të izoluar, Prefektura dhe Qarku fajësojnë njëri-tjetrin
