Foto Arkiv
Knut Fleckenstein, raportuesi i Parlamentit Evropian për Shqipërinë, u takua sërish sot me Lulzim Basha, kreun e PD dhe opozitës në Shqipëri.
Ajo që ra sërish sot në sy, në këtë takim, ishte mungesa e ambasadores Romana Vlahutin, kreu i delegacionit të BE-së në Shqipëri.
Edhe dy ditë më parë, Vahautin nuk ishte prezentë në takimin Basha – Fleckenstein. Në këtë takim, mësohet se ka qenë Lulzim Basha i cili kërkoi që ambasadori Romana Vlahutin të lihej jashtë takimit, një dalje nga protokolli për takime të këtij lloji.
Mësohet se si argument për këtë shmangie, ka qenë publikimi prej tij i disa fakteve te Fleckenstein për të cilat ambasadorja e BE-së nuk gëzon besimin e opozitës, raporton DRONI.al.
Kjo është hera e parë që një përfaqësues i opozitës shqiptare thotë se ambasadori i BE-së në Tiranë nuk është besuar, dhe është e qartë se sa Partia Demokratike është e shqetësuar se Vlahutin ka kaluar vijën e kuqe.
Pasi Romana Vlahutin është nxjerrë nga zyra e Lulzim Bashës, te godina e PD-së, takimi Basha – Fleckenstein vazhdoi kokë më koke.
Takimi filloi, sipas protokollit me të dy delegacionet, ku e pranishme ishte edhe ambasadorja e BE në Tiranë Vlahutin. Më pas takimi vijoi mes Bashës dhe Fleckenstein, transmetoi dy ditë më parë DRONI.al.
Kjo u konfirmua edhe nga Basha pas takimit teksa tha se “folëm kokë më kokë për 45 minuta”.
“Ishte një takim i mirë, folëm kokë më kokë për 45 minuta, ku diskutuam problematikën në vend, domosdoshmërinë për të garantuar zgjedhjet si një kauzë jetike për të ardhmen evropiane të Shqipërisë”, u shpreh Basha. DRONI.al
