Biznesmeni italian Mirko Franzoni akuzohet për vrasjen e një shqiptari më 14 dhjetor të vitit 2013. Sipas mediave lokale, viktima Eduard Ndoj u qëllua me pushkë në hyrje të shtëpisë së biznesmenit në Serle të Breshias, ku sipas hetimeve kishte shkuar për të vjedhur.
Sot italiani ka dalë para gjykatës për të marrë dënimin e merituar.
Për prokurorinë, vrasja ishte me dashje, ndërsa i akuzuari gjithmonë ka pohuar se goditja ishte aksidentale. Megjithatë, ekspertiza mjekoligjore ka provuar se vrasja ka ndodhur nga një distancë e afërt, e pranuar kjo edhe nga vetë i akuzuari.
