Një kompleks turistik në zonën e Gjirit të Lalzit ka rënë pre e nje grabitjeje të madhe. Sipas Policisë së Durësit kanë thyer kasafortën dhe kanë marrë shumën prej 10 000 000 lekësh. Por ngjarja është zbardhur, dokumentuar dhe janë sekuestruar të gjitha paratë e vjedhura në kohë rekord.
NJOFTIMI I POLICISE
Specialistët për Krimet në Stacionin e Policisë Manëz në bashkëpunim me Specialistët për Krimet në Komisariatin e Policisë Durrës, pas një pune hetimore intensive dhe të mirëorganizuar kanë bërë të mundur zbardhjen dhe dokumentimin e plotë ligjor , në një kohë të shkurtër të një ngjarje të ndodhur në një Kompleks Turistik në Gjirin e Lalzit.
Është arrestuar në flagrancë shtetasi:
• Denis Myrteza 23 vjeç, banues në Tiranë.
Myrteza, dyshohet se më datë 04.09.2017, rreth orës 03:00, tek Gjiri i Lalzit, në një kompleks turisitk ka vjedhur me thyerje në një kasafortë një sasi prej 1.000.000 lekë të reja(prerje në lekë dhe euro).
Menjëherë janë kryer veprimet e para hetimore në drejtim të identifikimit dhe kapjen e autorit të dyshuar. Policia e Durresit ka bere te mundur ne baze te filmimeve te kamerave te sigurise se kompleksit te identifikoje autorin.
Mesnatën e datës 05.09.2017 është arrestuar shtetasi i mësipërm, si autor i dyshuar dhe gjatë kontrollit të ushtruar në banesën e tij, në Tiranë i’u gjetën dhe sekuestruan në cilësinë e provës materiale sasi e vlerave monetare te vjedhura, 10 000 000 lekë.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale”Vjedhja” parashikuar në nenin 134 të Kodit Penal.
