Një autobus që ishte plot me pasagjerë ka marrë flakë. Ngjarja ka ndodhur pak minuta më parë, në zonën e Milotit, tek rreth rrotullimi kur futesh për në autostradën për në Tiranë. Sipas informacioneve të marra autobusi është i kompanisë “Amaxha” dhe ishte nisur nga Prizreni në drejtim të Tiranës. Mësohet se nuk ka pasagjerë të dëmtuar, por vetëm dëme materiale.
Njoftimi i policise
Informacion paraprak
Me datë 26.08.2017 , është marrë njoftim se në Fushë – Milot , ka marrë flakë një mjet autobus i Kosoves.
Menjëherë në vendngjarje kanë mbërritur shërbimet policore dhe zjarrfiksja që po bëjnë të mundur shuarjen e flakëve.
Nuk ka të lënduar në njerëz vetëm dëme materiale.
Nga hetimet paraprake dyshohet aksidentale.
Nga shërbimet e policisë rrugore është bërë devijimi i qarkullimit rrugor në aksin e vjetër rrugor Milot – Lezhë dhe Milot – Laç deri në përfundim të veprimeve hetimore në vendngjarje si dhe në shmangie të trafikut.
Vazhdojnë hetimet për zbardhjen e plotë të shkaqeve të ngjarjes.
