Në kuadër të operacionit të koduar “Summer 2017”, gjatë të cilët u janë sekuestruar edhe dy armë zjarri, tip pistoletë.
Sipas policisë dy të arrestuarit janë Paris Sulejmani, 30 vjeç dhe Olsi Koçeli, 28 vjeç, te dy banues në Vlorë.
1- Paris Sulejmani, ka qene shpallur ne kerkim per ngjarjen e ndodhur me date 09.02.2017, ku ne vendin prane “Kalit te Trojes”, ky shtetas ka tentuar te vrase me arme zjarri shtetasin A.L., 29 vjeç, banues ne Vlore, per motive te dobeta.
2- Olsi Koçeli, ka qene shpallur ne kerkim per ngjarjen e ndodhur me date 15.04.2016, ku ne lagjen “Uje i Ftohte” ky shtetas ka plagosur me arme zjarri shtetasen S.H., 26 vjeçe, banuese ne Vlorë, per motive te dobeta.
Arrestimi
Policia njofton se reth orës 03:20 të mëngjesit të sotëm, në lagjen “Ujë i Ftohtë”, në kuadër të kontrolleve të ushtruara në ambientet e një lokali, janë konstatuar dy shtetas të cilët nga kontrolli fizik i secilit prej tyre, u janë gjetur në trup 2 armë zjarri Pistoletë të llojit “TT” (pa leje).
Nga hetimet e kryera, ka rezultuar se këta shtetas rezultojnë të dy persona të shpallur në kërkim dhe me masë sigurie “Arrest në burg” për veprat penale:
“Vrasje me dashje, e mbetur në tentativë” dhe “Prodhim dhe mbajtje pa leje të armëve luftarake dhe municioneve”, në ngarkim të shtetasit Paris Sulejmani.
“Plagosja e rëndë nga pakujdesia” dhe “Prodhim dhe mbajtje pa leje të armëve luftarake dhe municioneve”, në ngarkim të shtetasit Olsi Koçeli.
Në lidhje me operacionin “Summer 2017”, Policia ka referuar materialet në Prokurori në ngarkim të tyre, për veprën penale “Prodhimi dhe mbajtja pa leje e armëve luftarake dhe municioneve”./panorama/
