Një vrasje ka ndodhur rreth mesnatës midis të premtes e të shtunës në Shkodër.
Burime të Policisë, bëjnë të ditur se në sallën operative të Drejtorisë Vendore të Policisë Shkodër ka mbërritur një telefonatë për një vrasje të ndodhur në lagjen “Qemal Stafa”, te “ish- Dekori”.
Me marrjen e njoftimit, shërbimet e Policisë kanë shkuar menjëherë në vendngjarje ku ka rezultuar se, pas një konflikti të çastit mes I. A., dhe D. Y., ky i fundit ka qëlluar me armë zjarri ku si pasojë e të shtënave ka mbetur i vrarë shtetasi I. A., 40 vjeç, banues në lagjen “Qemal Stafa”.
Autori i dyshuar shtetasi D. Y., sipas informacioneve dyshohet se është fshehur në banesë, e cila është rrethuar nga Policia dhe pritet ndërhyrja e FNSH.
Grupi hetimor në vendngjarje po punon për grumbullimin e provave ligjore duke bërë të mundur sqarimin e rrethanave të ngjarjes si dhe dokumentimin ligjor të saj.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
