Lajmi mediatike, brenda komunitetit të medieve, i ditëve të fundit, për largimin e Fatos Lubonjës nga “Opinion” i TV “Klan” te “këndi” i tij te “Agon Channel”, nuk ka kaluar pa komente. Natyrshëm, komente më të shumta dhe më “të gjetura”, vijnë nga vetë komuniteti i medias.
Një i tillë, nuk ka si të mos bëhej edhe nga Sonila Mecco, një prej moderatorëve të “Agon Channel” , e cila, për hir të së vërtetës, nuk e ka fshehur, ekzaltimin, vetëkënaqësinë, sigurisht dhe vetëvlerësimin. Për shprehjen e kësaj gjendje të saj emocionale, ajo ka shfrytëzuar rrjetin social të “facebook”-ut, ku shkruan, “Së shpejti te Kontrata angazhimi i ri i Fatos Lubonjës në ‘Agon Channel’ dhe përgjigja e tij ndaj propozimit të Andi Bejtes te programi A i Krastës…, trekëndësh me emra titanësh”.
Fatos Lubonja te “Agon Channel”, Sonila Mecco nuk e fsheh ekzaltimin: Trekëndësh me emra titanësh
