Ish-kryeministri Sali Berisha ka denoncuar në “facebook”, urdhërin e ministrit të Brendshëm Saimir Tahiri për formatimin e hardiskut të kompjuterit të Artan Bajraktarit, për te fshirë të dhënat e tij.
Këtë denoncim, Berisha e bën, nisur nga një mesazh që sipas tij, i ka mbërritur nga një punonjës i Ministrisë së Brendshme.
“I nderuar zoti Berisha. Në këto momente që po të shkruaj, në kompjuterin e z. Artan Bajraktari shef i Interpol Tiranës është ulur me urdhër të Saimir Tahirit specialisti i IT dhe po formaton hardiskun e zotit Bajraktari me qëllim fshirjen e të gjithe të dhenave dhe korrespodences që ky drejtues policie ka mbajtur me titullarët e tij. Njëkohësisht mund të ndërhyet edhe në serverin qendror me qëllim fshirjen e gjurmëve të krimit të Artan Didit dhe Saimir Tahirit. Ju lutem denoncoheni sa më parë këte akt dhe bëjini thirrje prokurorise për hetim të thelluar të këtij krimi shtetëror. Me respekt. Ju lutem për të tjeret duhet të mbetem për momentin anonim.Faleminderit! Falenderim dhe mirënjohje për ju shërbëtor i denjë i qytetarëve që denoncon krimin nga strofulla e tij!”, përfundon mesazhi që ka mbërritur nga punojnës i Ministrisë së Brendshme, për ish-kryeministrin Sali Berisha.
Denoncon Berisha: Saimir Tahiri urdhëron formatimin e hardiskut të kompjuterit të Artan Bajraktarit, për te fshirë të dhënat
