Gjykata e Lartë, Prokuroria: `Arrest me burg` për Mark Frrokun
Gjykata e lartë vendosi të lërë në masë sigurie, “arrest në burg”, deputetin Mark Frroku. Seanca e cila nisi me dyer të hapura, vazhdoi të zhvillohet pirr rreth dy orë, me dyer të mbyllura, pas kërkesë së prokurorit.
Fillimisht, organi i akuzës paraqiti aktet, me të cilat avokatët mbrojtës të Frrokut, nuk ishin njohur më parë, ndërsa kërkoi si masë e sigurie, “arrest me burg”.
Ndërkohë, avokatet e Mark Frrokut, Genc Gjokutaj dhe Sajmir Vishaj ju dha 10 minuta kohë që të njiheshin me akuzat. Në përfundim ata kërkuan lirimin e klientit të tyre
Deputeti Frroku akuzohet për vrasje të kryer në Belgjikë ndërsa në Shqipëri për akuzën e “pastrimit të parave” dhe “refuzimit për të deklaruara pasurinë”.
Deputeti Frroku akuzohet nga drejtësia belge për vrasjen e shqiptarit Aleksandër Kurti në vitin 1999 në Bruksel si dhe shfrytëzim prostitucioni.
Ndërsa Prokuroria e Përgjithshme shqiptare, kësaj akuze i ka shtuar së fundmi edhe kallëzim penal ndaj deputetit për katër vepra të tjera penale të “refuzim për deklarim pasurie”, “deklarim i rremë pasurie”, “fshehje pasurie” si dhe “pastrim i produkteve të veprës penale”.
Një ditë pas autorizimit të Kuvendit me 113 vota pro për arrestimin e deputetit Mark Frroku. Ndërsa sot, shorti i hedhur në Gjykatën e Lartë, përzgjodhi 5 gjyqtarët, që shqyrtuan kërkesën e prokurorisë për vleftësimin e ligjshëm të ndalimit dhe caktimin e masës së sigurisë ndaj deputetit Mark Frroku. Relator i kolegjit penal ishte Artan Broci me anëtarët Ardian Nuni, Guxim Zeneli, Edmond Islami dhe Tom Ndreca.
Gjykata e Lartë vendos “arrest me burg” për deputetin Mark Frroku
