Kuvendi voton “kundër” kërkesës për ndërprerjen e mandatit për Koco Kokëdhimën

Kuvendi rrëzon me 68 vota pro dhe 29 kundër, kërkesën e disa deputetëve të opozitës, për dërgimin në Gjykatën Kushtetuese të kërkesës për ndërprerjen e mandatit të deputetit Koco Kokëdhima.
Gjatë orëve të paradites, Kuvendi shqyrtoi kërkesën e deputetëve të opozitës. Por, për shkak të mungesës së kuorumit, shtyu votimin e Kuvendit për raportin e Këshillit të Rregullores dhe Mandateve lidhur me kërkesën e grupit parlamentar të PD-së, ku kërkohet mbarimi i mandatit të deputetit të PS-së, Koço Kokëdhima.
I mbledhur një ditë më parë, Këshilli vendosi që në seancën e sotme të votohen dy raporte të ndryshme, ku shprehet mendimi i të dy palëve në Kuvend. Mazhoranca kërkon që parlamenti të mos e pranojë kërkesën e PD-së, ndërsa opozita përfundimin e mandatit të deputetit socialist dhe dërgimin e çështjes në Gjykatën Kushtetuese.