Studiuesi i njohur Elez Biberaj tha se shkelja e ligjit është bërë një dukuri e përhapur dhe kjo ndikon për keq në ndarjen e pasurive të vendit me punë të ligjshme. Sipas tij, vetë institucionet e zbatimit të ligjit, qeveria, policia, prokuroria dhe gjykatat e kanë minuar luftën ndaj korrupsionit. Ai tha se bllokimi i tejzgjatur politik, rritja e ngadaltë ekonomike dhe një seri skandalesh korrupsioni e kanë dëmtuar rëndë qeverisjen.
Universiteti Europian i Tiranës zhvilloi këtë fundjavë një konferencë ndërkombëtare shkencore lidhur me tranzicionin dhe demokracinë shqiptare. Studiues nga Shqipëria, Britania e Madhe dhe Shtetet e Bashkuara të Amerikës publikuan studimet e tyre mbi ecurinë e qeverisjes dhe demokracisë shqiptare gjatë 25 viteve nga rrëzimi i diktaturës komuniste.
Ata pohuan se Shqipëria përballet sërish me të njëjtat sfida të qeverisjes problematike dhe abuzimit me pushtetin të politikanëve kryesorë. Studiues të njohur të jetës politike e sociale të Shqipërisë u analizuan ecurinë e demokracisë shqiptare në konferencën shkencore të organizuar nga Universiteti Europian i Tiranës.
Krahas Servet Pëllumbit e Ylli Bufit, Spartak Ngjelës dhe Gabriel Partosh, vëmendjen e auditorit e tërhoqi studimi i dr. Elez Biberajt mbi tranzicionin politik nga diktatura në demokraci dhe deri në kohët e sotme. Ai tha se politika shqiptare mbetet e bllokuar dhe jofunksionale dhe se vazhdimësia në pushtet e elitës së vjetër ka ndikuar negativisht”.
Zoti Biberaj tha se pas zgjedhjeve 2013 vendi rrëshqiti shpejt në stilin e politikës konfiktuale. Ashtu si gjatë 25 viteve drejtuesit kryesorë u treguan politikanë të dobët dhe nuk i besuan kompromisit në qeverisjen demokratike. Sipas tij, elita politike punoi për të shkatërruar kundërshtarin me retorika të ashpra, korrupsoni ka deprëtuar në të gjitha nivelet e qeverisjes dhe të shoqërisë, pasuria dhe pushteti janë përqëndruar në duart e një grupi të vogël, ndërkohë që pjesë të konsiderueshme të popullsisë jetojnë në varfëri.
Studiuesi i njohur Biberaj tha se shkelja e ligjit është bërë një dukuri e përhapur dhe kjo ndikon për keq në ndarjen e pasurive të vendit me punë të ligjshme. Sipas tij, vetë institucionet e zbatimit të ligjit, qeveria, policia, prokuroria dhe gjykatat e kanë minuar luftën ndaj korrupsionit. Ai tha se bllokimi i tejzgjatur politik, rritja e ngadaltë ekonomike dhe një seri skandalesh korrupsioni e kanë dëmtuar rëndë qeverisjen.
Kryetarët e partive, tha studiuesi Biberaj, kanë pushtet të pakufizuar në partitë dhe në institucionet shtetërore. Ata zgjedhin deputetë besnikë ndaj tyre, të gjithë punojnë për fuqinë e kryetarit dhe shumë rrallë ka mendime të pavarura, ndërsa korrupsioni është po aq mbizotërues. Shqiptarët nuk janë të kënaqur me nivelin e demokracisë dhe të ekonomisë së vendit. Cështja është nëse ky regjim hibrid do të bëhet më pak apo me shumë demokratik. Në të ardhmen e afërt, sipas tij, demokracia nuk pritet të përmirësohet shpejt, sepse politikanët ndjekin sjellje dhe qëllime personale.
Analisti i BBC Gabriel Partosh, i cili ndodhet në Tiranë, në një mesazh për shqiptarët dhe shtetin, shprehet për Ora News TV, se eksodi masiv rrezikon riizolimin e Shqipërisë nga muri i vizave.
“Absolutisht ekziston një rrëzik real për Shqipërinëqë disa vende të BE do të rivendosin për një periudhë të caktuar regjimin e vizave, nëse vazhdon eksodi i njerëzve në drejtim të vendeve të BE. Kjo është në dëm të qytetarëve të tjerë që respektojnë rregullat, por që do ta pësojnë nga këta individë, prandaj duhet marrë masa që të kontrollohet fenomeni sepse mund të rrezikohet regjimi i vendosjes së vizave me vende të caktuara të BE”, shprehet Partosh.
Ai jep vlerësimet edhe për situatën politike, premtimet e qeverisë që ende nuk janë mbajtur por edhe rrugën e integrimit që shqipëria ka ende për të bërë.
“Duket sikur Shqipëria është pak më pas sesa vendet e tjera të Ballkanit, por nëse do të kemi parasysh pikën e fillimit në vitet 1990 dhe e krahasojmë Shqipërinë me vendet e tjera, atëhere duhet të themi se Shqipëria është zhvilluar më shumë, sepse në fakt ka qenë vendi më i prapambetur në raport me vendet e tjera të Ballkanit. Në raport me Maqedoninë dhe Malin e Zi, Shqipëria është më mirë sepse ka liri të mediave dhe ka patur qarkullim të elitave politike. Lidhur me Serbinë ajo ka fituar shumë terren në perspektivën për tu integruar në BE edhe në raport me vendet e tjera të Ballkanit”, shton analisti i BBC.
Gariel Partosh është një njohës i mirë i Europës Juglindore dhe veçanërisht i realitetit të Ballkanit të cilit i ka kushtuar analiza e studime të rëndësishme qoftë në rrjetin BBC qoftë edhe në konferenca të ndryshme ndërkombëtare.
