Presidenti i Republikës së Shqipërisë, Bujar Nishani, vizitoi sot paradite një nga zonat më të prekura nga emigrimi masiv i javëve të fundit, Shishtavecin.
Largimin e qytetarëve nga vendi, kreu i shtetit shqiptar e konsideron një fenomen kombëtar, e megjithatë, duke theksuar se nuk ka shkuar në Kukës për të gjetur fajtorët, Nishani ka dashur të ngrejë zërin si i pari i vendit për të nxitur qytetarët e vendit të mos largohen, sipas Top Cahnnel.
“Duhet të flasim me qytetarët, t’i bindim ata ta ndërtojnë të ardhmen e tyre në vendin e tyre. Ne të gjithë, përfaqësues shteti apo edhe politikanë duhet t’u japim garanci shqiptarëve për një jetë më të mirë në të ardhmen e tyre”, është shprehur Presidenti Nishani, i cili ka shtuar se për të ndalur këtë eksod duhet angazhim dhe projekte zhvillimore ndaj vendit.
Deri tani nuk ka asnjë projekt qeveritar për zonën ndërkohë që Gjermania dhe Austria kanë dhënë një grant për nxitjen e biznesit prej 6 milionë euro.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
