Borxhi publik i Shqipërisë ka kaluar nivelin e 1 trilion lekëve (shifër me 12 zero). Ky rekord historik, i arritur më 31 mars të këtij viti, referohet publikisht nga statistikat e ministrisë së Financave, ende jopërfundimtare. Sipas të njëjtave shifra, mësohet se llogaritet që për çdo ditë, stoku i borxhit publik të llogaritet në 3.4 milionë euro, deri në arritjen e nivelit mbi 1 trilion lekë, nga 977 miliardë lekë që ishte në fund të vitit të kaluar.
Trendi i rritjes së borxhit, ka ardhur ndër vite, të paktën që prej vitit 2009.
Krahasuar me periudha të njëjta, mësohet se në fund të marsit të vitit 2009, shifra e këtij borxhi ishte vetëm 390 miliardë lekë.
Por jo në të gjithë vitet e fundit ritmi i huamarrjes ka qenë i njëjtë.
Gjatë periudhës janar-mars të vitit 2012, borxhi publik është rritur mesatarisht me 1.2 milionë euro në ditë. Kjo shifër u dyfishua, në 2.5 milionë euro në ditë gjatë tremujorit të parë të vitit 2013, ndërsa në vitin e ndryshimit të pushteteve pati një rënie relative, me rritjen me 1 milion euro në ditë të borxhit të shtetit shqiptar.
Borxhi publik në Shqipëri, 3.4 milionë euro në ditë
