Parlamenti Europian ka aprovuar me 634 vota pro rezolutën e raportuesit Knut Fleckenstein për progresin në integrimin europian të Shqipërisë. Kjo rezolutë i kërkon Shqipërisë që të bëjë më shumë përpjekje për plotësimin e 5 kritereve të përcaktuara nga Komisioni Europian për hapjen e negociatave të anëtarësimit të vendit. Rezoluta tregon qartë, se ka ende një punë të konsiderueshme për t’u bërë për hapjen e negociatave të anëtarësimit të Shqipërisë në Bashkimin Europian.
Ndërsa përshëndetet fillimi i zbatimit të ligjit për nëpunësin civil, Shqipërisë i kërkohet që të avancojë në forcimin e kapacitetit të një administrate publike të depolitizuar dhe të bazuar mbi meritokracinë. Vendit i kërkohet të reformojë sistemin e drejtësisë për ta bërë atë të pavarur, efikas dhe të përgjegjshëm. Në rezolutë kërkohet gjithashtu forcimi i të drejtave të njeriut, si dhe thellimi përmes rezultateve konkrete në luftën kundër korrupsionit dhe krimit të organizuar. Lidhur me këtë të fundit, një nënkusht i rëndësishëm për Shqipërinë i artikuluar jo vetëm në rezolutë por edhe nga Komisioni Europian dhe Këshilli i ministrave është zbatimi i plotë i marrëveshjes së dhjetorit , ku përfshihet dekriminalizimi.
Në rezolutë bëhet thirrje për trajtimin e rasteve me precedentë kriminalë të personave që kanë poste publike.
Rezoluta Fleckenstein konsideron, se dialogu politik i vazhdueshëm dhe konstruktiv midis forcave politike dhe është premisë kryesore për avancimin e vendit në rrugën e integrimit europian.
Rezoluta tregon qartë, se ka ende një punë të konsiderueshme për t’u bërë për hapjen e negociatave të anëtarësimit të Shqipërisë në Bashkimin Europian.
Një ditë më parë, në mbledhjen që u zhvillua në Parlamentin Europian për progres-raportin rreth Shqipërisë, raportuesi për vendin tonë, Knut Flackenstein tha 5 nga pikat kryesore të rezolutës nuk janë përmbushur ende nga Shqipëria. Raportuesi i Shqipërisë në Parlamentin Europian, Knut Flackenstein, gjatë mbledhjes në Bruksel ku u zhvillua mbledhja e prezantimit të progres-raportit të viti 2014 për vendin tonë tha se duhet mbështetje nga të gjitha palët për plotësimin e 12 prioriteteve kyçe.
Eurodeputeti Kukan theksoi se politika konfrontuese është pengesa kryesore për të ecur përpara në rrugën drejt integrimit dhe bëri thirrje për më shumë bashkëpunim politik.
PE voton Rezolutën: Shqipëria të bëjë më shumë përpjekje për plotësimin e 5 kritereve të KE-së
