Lëvizja Rinore për Integrim do ta bëjë fushatën me një këngë të re, dicka e pazakontë në fushata për zgjedhje lokale. Në një takim në pallatin e sportit “Asllan Rusi” me qindra te rinj e te reja shprehën entusiazmin etyre për fitore në zgjedhjet e ardhshme. Në miting morën pjesë edhe Ilir Meta dhe Erion Veliaj. Meta kërkoi nga mbështetësit e tij të japin votën për Veliajn. “Ju jeni fuqia e vërtetë e LSI-së, jam shumë krenar për ju. Ju jeni përfaqësues të gjeneratës SOT, TANI. Pas 21 qershorit Tirana do të eci shumë më shpejt me ritmin e Erion Veliaj dhe këshilltarëve të LSI-së. Përpara në drejtimin e duhur me Erion Veliaj, me LSI dhe me Aleancën për Shqipërinë Evropiane.”, deklaroi Meta
Në vijim është edhe teksti i këngës ku bie në sy një shkrirje në vargje e frazës së njohur të Metës “Me qetësi , me dashuri”.
Jemi të rinj
krenarë nga historia
Me dashuri
Paqe në shpirt
Me sytë nga ardhmëria
Çdo ditë që nis
Do jetë më mire
Shpresojmë tek mirësia
Në rrugën tonë
Pa ndalur vijojmë
Me paqen dashuruar
Jemi këtu
Dhe jemi shumë
Eja me ne bashkuar
Zemrën dëgjon
fatin ndryshon
me shpirtin ndriçuar
Në forcën tonë
Kaq shumë besojmë
Dhe hapi ynë nuk ndalet asnjehere
